ვინ თქვა,რომ სიყვარულს არ უნდა ძახილი.
ვინ თქვა, რომ სიყვარულს არ უნდა მტკიცება!?
ანდა ვინ გაზომა თითებით მანძილი -
შეშლილი გულების თავგადავიწყება.
ვინ თქვა, სიყვარული ბრმა არის, დამუნჯდა!?
(გრძნობა რა გრძნობაა თუ არ აქვს გრიგალი).
ვხედავ და მჭირდები! ვამბობ და მიყვარხარ!
არ ვარ არც მუნჯი და ხომ უკვე გითხარი -
რომ წლები მირბიან დროის მკვირცხლ რაშებით,
მე დავგმე სიმუნჯე და შენი ჯერია!
მიყვარხარ !
როგორ ხარ?
საით ხარ?
რას შვრები?
ამდენი ლექსებიც ძალიან ბევრია....
გრძნობები თუ ვნებებს თვალებში ამუნჯებს,
და თუ სიყვარულის გავიდა ეპოქა,
ბოლოჯერ გეტყვი ,რომ ძალიან მიყვარხარ!
მიყვარხარ! მიყვარხარ! მორჩა და დამთავრდა!